ШЫМКЕНТТЕ ТЫЛ АРДАГЕРІ ШИПАЖАЙҒА ЖОЛДАМА АЛДЫ
Read Time:42 Second
Шымкентте Ұлы Отан соғысы Жеңісінің 80 жылдығына орай тыл еңбеккерлеріне арналған әлеуметтік қолдау шаралары жалғасуда. Қаладағы құрметті ардагерлердің бірі — Сағындық Мустафин “Ақсу демі” шипажайына жолдама алды.
Сағындық Мустафин 1936 жылы Қарағанды облысы, Қарқаралы ауданында дүниеге келген. Әкесі майданға аттанғаннан кейін, анасы екеуі шаруашылық жұмыстарға араласып, ел ішіндегі еңбек майданына ерте кіріскен. Кейін 19 жасында шахтада жұмыс істей жүріп, Қарағанды тау-кен институтының кешкі бөлімінде “Тау-кен” инженері мамандығын меңгерген. Ұзақ жылдық еңбектен соң, 1995 жылы зейнетке шығып, өмір сүруге жайлы Шымкент қаласына қоныс аударған.
Қазір тыл еңбеккерлері Шымкент қаласы жұмыспен қамту және әлеуметтік қорғау басқармасына келіп, шипажайларға жолдама алу мүмкіндігіне ие. Бұл шара — Жеңістің 80 жылдығына орай ардагерлерге көрсетілетін құрметтің бір көрінісі. Сонымен қатар, мереке қарсаңында тыл ардагерлеріне 15 айлық есептік көрсеткіш (АЕК) көлемінде бір реттік әлеуметтік төлем де қарастырылған.
Әлеуметтік көмек шаралары алдағы уақытта да жалғасатын болады.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating